10.03.2024 | 09:22
Бөлісу:
Ұлттық құраманың 2 боксшысы ширек финалда
Бокстан Бусто-Арсицио қаласындағы лицензиялық турнирдің 7-ші жарыс күні аяқталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Бүгін жарыс жолын 75 келідегі Валентина Хальзова бастады. Ол 1/8 финалда жастар арасындағы әлем чемпионы Бусра Исилдарды сенімді түрде 4:1 есебімен жеңді. Енді ширек финалды сәтті аяқтаса, Париж Олимпиадасына барады.
Кешкі сессияда жазғы Азия ойындарының қола жүлдегері Наталья Богданова Еуропа чемпионатының күміс жүлдегері Анета Ригельскаға шамасы жетпеді. Есеп: 1-4.
Ал 92 келідегі Айбек Оралбай 1/8 финалда әлем чемпионатының күміс жүлдегері, тәжірибелі Хулио Кастильо Торрестен айқын басымдылығын танытып, 5-0 есебімен ұтты.
Айбектің келесі қарсыласы ретінде АҚШ-тың талантты спортшысы Джамар Таллей атанады. Ертең 5 бірдей қазақ боксшысы 1/8 айналымдағы айқасын өткізеді.
10 наурыздағы жарыс кестесі:
17:00 сағат. 50 кг. Алуа Балқыбекова – Чон Джухён (Оңтүстік Корея)
18:45 сағат. 51 кг. Сәкен Бибосынов – Азат Махметов (Бахрейн атынан шығатын қазақ боксшысы)
19:15 сағат. 80 кг. Нұрбек Оралбай – Алексей Алферов (байтарап спортшы) — 2021 жылғы әлем чемпионатының күміс жүлдегері
23:30 сағат. 57 кг. Сабырхан Махмұд – Жосуе Тирадо (Пуэрто-Рико)
00:30 сағат. 71 кг. Асланбек Шымбергенов – Байрамдурды Нұрмұхаммедов (Түркіменстан).
Суреттердің авторы – Аян Төлеген.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
БОКСТАН АЗИЯ ЧЕМПИОНАТЫНА БАРАТЫН ҚҰРАМ ЖАРИЯЛАНДЫ
ҚАЗАҚСТАН БОКСШЫЛАРЫ ЖАЛПЫ ЕСЕПТЕ ТОП ЖАРДЫ
САНЖАР-ӘЛИ БЕГАЛИЕВ ӨЗБЕК БОКСШЫСЫН НОКДАУНҒА ТҮСІРДІ
ТӨРЕХАН САБЫРХАН – ЖАСТАР АРАСЫНДА ӘЛЕМ ЧЕМПИОНЫ