24.10.2023 | 23:55
Бөлісу:
Асылжан Есенгелді Албаниядағы әлем чемпионатында күміс медаль алды
Асылжан Есенгелді 23 жасқа дейінгі палуандар арасындағы әлем чемпионатының күміс жүлдегері атанды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Отандасымыз Албания астанасы Тиранада өтіп жатқан бәсекенің финалында Башир Магомедовке (Ресей) есе жіберді. Есеп: 0-4.
Еркін күрестен Ұлттық құрама спортшысы (61 кг) кеше аса тартысты өткен жартылай финалда қырғыз бозкілем шебері Тайырбек Жумашбек уулудан басым түскен. Оған дейін алғашқы белдесуінде жапониялық Каито Моританы, ширек финалда үндістандық палуан Акаш Дахияны сенімді жеңді.
Тиранадағы чемпионат 29 қазанда аяқталады. Биыл мұнда осы жас санатындағы былтырғы 13 әлем чемпионы өз атағын қорғауға келді. Оның ішінде алтауы еркін, төртеуі грек-рим күресінде.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
Азамат Дәулетбеков 3 дүркін Азия чемпионы атанды
Асыл Айтақын – Азия чемпионатының күміс жүлдегері
Азамат Дәулетбеков пен Асыл Айтақын финалда күреседі