26.06.2022 | invalid
Бөлісу:
Азия чемпионаты: таеквондошылар бір күміс пен бір қола медаль жеңіп алды
Бүгін Оңтүстік Кореяның Чхунчхон қаласында өтіп жатқан таеквондодан Азия чемпионатында қазақстандықтар екі жүлдеге қол жеткізді.
87 келіде Смайыл Дүйсебай бірінші кездесуде қытайлық спортшыны 2:1 есебімен ұтып, жартылай финалға шықты. Бірақ Смайылдан финалға берілер жолдаманы өзбекстандық Никита Рафалович уысынан жұлып әкетті. Қазақстандық бұл жолы қола медальмен шектелді.
Ерлер арасында даянгқа шыққан Руслан Жапаров (+87 кг) алғашқы кездесуінде Қытай спортшысына 2:0 есебімен жол берді.
Әлемдік рейтингтегі көшбасшының бірі Жансель Дениз (73 кг) бірінші кездесуін жартылай финалдан бастап, Ливан спортшысын 2:0 есебімен ұтып, финалға шықты. Өкінішке қарай, ақтық сында ирандық қарсыласына есе жіберді (0:2).
Құрлық чемпионаты ертең мәресіне жетеді. Қазақстан 1 күміс, 4 қола жүлдемен жалпы есепте 6-орында келе жатыр. Көш басында 4 алтын, 1 күміс, 3 қоласы бар Оңтүстік Корея құрамасы тұр.
Жаңалықтардан қапы қалмау үшін бізге жазылыңыз:
