17.05.2025 | 19:11
Бөлісу:
БОКСТАН ЖАСТАР АРАСЫНДАҒЫ АЗИЯ ЧЕМПИОНАТЫ: 9 БОКСШЫМЫЗ ЖЕҢІСКЕ ЖЕТТІ
Бокстан Шри-Ланка астанасында өтіп жатқан жастар арасындағы Азия чемпионатының кезекті жарыс күні аяқталды. Бүгін рингке шыққан 9 отандасымыздың бәрі қарсыласын жеңіп, келесі айналымға шықты, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Нұрхан Құмарбеков (-48 кг) жарыс қожайыны Шри-Ланка боксшысына еш мүмкіндік қалдырмай, айқын басымдық танытты. Есеп: 5-0.
Досымжан Таңатар (-51 кг) қырғыз боксшысынан барлық раундта айласын асырды.
Алдияр Бахадүр (-54 кг) мен Мұхаммед Әл-сарай (IBA) арасындағы жекпе-жек 2-раундтан кейін біздің спортшымыздың пайдасына шешілді.
Жастар құрамасының өкілі Нығман Нығмет (57 кг) тағы бір Шри-Ланка спортшысын барлық раундта сенімді түрде жеңді.
Ал 60 кг дейінгі салмақта Әділет Тортубек Ерлан Ергешов (Қырғызстан) айласын асырып (4-0), жарысты жалғастырады.
Айым Танкибаева (-48 кг) мен Сила Биболсынқызы (-50 кг) шаршы алаңда Вьетнам боксшыларымен күш сынасып, келесі кезеңге жолдама алды.
Рахмина Абдумежитова -52 кг дейінгі салмақтағы алғашқы айқасында жергілікті былғары қолғап шеберінің осал тұсын тапты.
Сонымен қатар Коломбо шаршы алаңына бірінші рет шыққан Құралай Егінбайқызы (-81 кг) Вьетнамнан келген Тран Туйенді 2-раундтан ары асырмады.
Фото: Спортты дамыту дирекциясының баспасөз қызметі.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
АМАН ҚОНЫСБЕКОВ ЧЕМПИОНДЫҚҚА ТАЛАСАДЫ
АҒАЖАН ҚАДЫР КУВЕЙТ БОКСШЫСЫНА ЕШ МҮМКІНДІК ҚАЛДЫРМАДЫ
ТАҒЫ БІР ОТАНДАСЫМЫЗ САУД АРАБИЯ БОКСШЫСЫН ҰТТЫ