26.04.2025 | 13:13
Бөлісу:
ДЕНИС СЕРГИЕНКО АЗИЯ ЧЕМПИОНАТЫНЫҢ КҮМІС ЖҮЛДЕГЕРІ АТАНДЫ
Қытайдың Цзуньи қаласында өтіп жатқан маунтинбайктан Азия чемпионатында Қазақстан қоржыны тағы бір медальмен толықты, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Олимпиада бағдарламасына кіретін кросс-кантри бағдарламасында Денис Сергиенко 2-орын алды. Бұл жарыста Қытай спортшылары мәреге бірінші және үшінші жетті.
Еске сала кетейік, осыған дейін кросс-кантриден эстафетада Қазақстан командасы(Богдан Лухманов, Алексей Фефелов, Денис Сергиенко, Виолетта Казакова, Юлия Ли, Алина Карасева) күміс жүлдеге ие болған.
Барлығы биылғы жарыста 15 елден 160 велошабандоз жүлдеге таласып жатыр.
Фото: Спортты дамыту дирекциясының баспасөз қызметі.
Жаңалықтардан қапы қалмау үшін бізге жазылыңыз:
