22.05.2026 | 13:37
Бөлісу:
ЭЛЬДАР БІРІМБАЙ МЕН НАЗЫМ МАХМУТОВА АЗИЯ ЧЕМПИОНАТЫНДА ЖҮЛДЕЛІ БОЛДЫ
Ұлан-Батыр қаласында өтіп жатқан таеквондодан Азия чемпионатының 2-жарыс күнінде жартылай финалдар аяқталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Бұл кезең нәтижесінде Қазақстан командасының қоржынына 2 қола медаль түсті. Әйелдер арасында -73 кг салмақтағы Назым Махмутова жартылай финалда Қытай өкілі, Азия ойындарының жеңімпазы, Азия чемпионатының күміс жүлдегері Сун Цзеге есе жіберді. Есеп: 1-2.
Ал -74 кг салмақтағы отандасымыз Эльдар Бірімбай ирандық Амир Сина Бахтияриден ары аса алмады. Есеп: 1-2.
Осылайша, Махмутова мен Бірімбай жарыста 3-орын алды. Қазір Қазақстан еншісінде 3 қола медаль болды.
Фото: Спортты дамыту дирекциясының баспасөз қызметі.
Жаңалықтардан қапы қалмау үшін бізге жазылыңыз:
