20.04.2024 | 20:06
Бөлісу:
Қазақстан Бішкекте әйелдер күресінде жолдамасыз қалды
Қырғызстан астанасы Бішкекте өтіп жатқан Азия құрлығының лицензиялық турнирінде әйелдер күресінен бәсеке аяқталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Ұлттық құрама барлық 6 салмақта спортшы қосып, өкінішке қарай, ешқайсы лицензияға иелік ете алмады.
Жолдамаға бір қадам қалғанда командадағы ең жас палуан Лаура Ғаниқызы (50 кг) Азия чемпионатының 6 дүркін жүлдегері Ваништен (Үндістан) таза жеңілді (0-10).
Тәжірибелі Жұлдыз Эшимова (53 кг) жартылай финалда Солтүстік Корея спортшысы Хюгунг Чоға 0-4 есебімен жол берді.
Ұлттық құраманың соңғы үміті болған Жәмилә Бақбергенова (76 кг) жартылай финалда қытайлық атлет Вангтан (1-6) айласын асыра алған жоқ.
Күндізгі сессияда Эмма Тисина (57 кг) ширек финалда Кэксин Хонгтен (Қытай), Ирина Кузнецова (62 кг) үндістандық спортшы Мансиден, Елена Шалыгина (68 кг) Солтүстік Корея палуанынан жеңілген.
Ертең бәсекені грек-рим күресінің шеберлері қорытындылайды.
Суреттер: Спортты дамыту дирекциясының баспасөз қызметі.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
ЖӘМИЛА БАҚБЕРГЕНОВА – ӘЛЕМ ЧЕМПИОНАТЫНЫҢ 4 ДҮРКІН ЖҮЛДЕГЕРІ
ЖӘМИЛӘ БАҚБЕРГЕНОВА 3-РЕТ ӘЛЕМ ЧЕМПИОНАТЫНЫҢ ФИНАЛЫНА ШЫҚТЫ
.jpg)