10.09.2023 | 01:27
Бөлісу:
Қазақстан Германияны жеңіп, әлем чемпионатының жартылай финалына шықты
Шахматтан Қазақстан әйелдер құрамасы Польшаның Быдгощ қаласында өтіп жатқан ФИДЕ-нің ІХ командалық әлем чемпионатында сәтті сериясын ұзарта түсті, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Павел Коцур баптайтын отандастарымыз бұл жолы Германия құрамасын сенімді ұтып (3-1), жартылай финалға жолдама алды.
Алуа Нұрманова тамаша ойын көрсетіп, партияның басында басымдыққа ие болып, Джозефина Хайнеманнды жеңді. Бұл Қазақстанның есепте алға шығуына мүмкіндік берді. Содан кейін Бибісара Асаубаева Элизабет Патцқа есе жіберіп жатқан. Алайда ол матчтың барысын өзгертіп, командасының басымдығын нықтай түсті. Ал жас шахматшы Әмина Қайырбекованың жеңісі Қазақстанды жартылай финалға шығарып, қорытынды есепті бекітті. Бұл екі команда арасындағы матч шынымен жақын және шиеленісті болды.
Келесі кезеңде Ұлттық құрама Польшадан басым түскен Франциямен сынға түседі.
Суреттердің авторы – Michael Wilusz.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
Алдияр Аңсат пен Ксения Балабаева жылдың үздік шахматшысы атанды
Бибісара Асаубаева «Аэрофлот Опен» фестивалінде топ жарды
Денис Махнёв блицте 33-орынға табан тіреді