17.10.2022 | invalid
Бөлісу:
Қазақстан самбодан жасөспірімдер мен жастар арасындағы әлем чемпионатында 2-орын алды
Бүгін Арменияның Ереван қаласында самбодан алғаш рет ұйымдастырылған жасөспірімдер, жастар мен кадеттер арасындағы әлем чемпионаты аяқталды. Бұл бәсекеге 24 ел өз спортшыларын алып келді.
Олар: Қазақстан, Армения, Болгария, Колумбия, Кипр, Германия, Грекия, Грузия, Израиль, Исландия, Италия, Қырғызстан, Оңтүстік Корея, Латвия, Молдова, Моңғолия, Румыния, Сербия, Тәжікстан, АҚШ, Өзбекстан. Сондай-ақ Ресей, Беларусь пен Франция құрамасы Халықаралық самбо федерациясының атынан сынға түсті.
Төрт күн бойы кадеттер (2006-2008 ж.т) 9 салмақта, жастар (2004-2006 ж.т) 8 салмақта, жасөспірімдер (2002-2004 ж.т) 7 салмақта сынға түсті.
Жалпы есепте Қазақстан құрамасы 42 медаль – 5 алтын, 14 күміс және 24 қоламен 2-орын алды. Ұлттық құрама Ереванға 55 самбошы апарды. Ұлттық құрама сапындағы тұңғыш чемпион – Ильзат Асиев (58 кг). Көш басында 51 жүлдесі (39 алтын, 7 күміс, 5 қола) бар FIAS құрамасы тұрса, үштікті Өзбекстан (3 алтын, 7 күміс, 7 қола) түйіндеді.
Айта кетейік, биыл самбодан ересектер арасындағы Әлем чемпионаты 11-13 қараша аралығында Қырғыз Республикасының астанасы Бішкекте өтеді. Онда 21 салмақта (ерлер 7, әйелдер 7, ерлер жауынгерлік самбодан 7) жеңімпаз анықталады. Бәсекенің жалпы жүлде қоры – 231 мың АҚШ доллары.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
САМБОШЫ ТЕМІРЛАН КӨЛБАЙ ӘЛЕМ ЧЕМПИОНЫ АТАНДЫ
БІРЖАН ИМАХАНОВ: «ӘЛЕМ ЧЕМПИОНАТЫНА ЖОСПАР – 2 АЛТЫН АЛУ»
АСТАНАДАҒЫ ӘЛЕМ ЧЕМПИОНАТЫНА ҚАТЫСАТЫН САМБОШЫЛАРЫМЫЗ БЕЛГІЛІ