22.01.2023 | 09:05
Бөлісу:
Шорт-тректен Қазақстан құрамасы Универсиаданың күміс жүлдесіне қол жеткізді
Санаулы сәттер бұрын шорт-тректен еліміздің ерлер құрамасы эстафетада ХХХ қысқы Универсиаданың күміс жүлдесіне қол жеткізді. Қазақстандық студенттер 5 мың метрге жарыста тек Оңтүстік Корея құрамасына есе жіберді. Қола жүлдені нидерландтық студенттер (7:12.450) қанағат тұтты.
Ұлттық құрама намысын Әділ Ғалиахметов, Еркебұлан Шамұханов, Валерий Клименко мен Санжар Жанысов қорғады. Айта кетейік, төртеуі де Спортты дамыту дирекциясына қарайтын Ұлттық құраманың мүшесі.
Осыған дейін біздің шорт-тректшілер аралас командалық эстафетада да 2-орыннан көрінген.
Қазір Қазақстан 3 алтын, 4 күміс және 2 қола медальмен жалпы есепте 10-орында тұр. АҚШ-тағы Универсиада бүгін аяқталады.
Жаңалықтардан қапы қалмау үшін бізге жазылыңыз:
