Спортты дамыту дирекциясы / Дирекция развития спорта

14.07.2023 | 22:17

Бөлісу:

Түркістанда таеквондодан Қазақстан Кубогы басталды. Жаңа форматтың ерекшелігі қандай?

Бүгін Түркістан қаласындағы Олимпиада орталығында таеквондодан (WT) ересектер арасындағы Қазақстан Кубогы басталды. Азия ойындарына баратын спортшылар іріктелетін сынға еліміздің барлық өңірінен 200-ден астам даян шебері жиналды. Олар 3 күн бойы 10 салмақта сынға түседі.

Ерлер: 58 кг, 63 кг, 68 кг, 80 кг, +80 кг.

Әйелдер: 49 кг, 53 кг, 57 кг, 67 кг, +67 кг.

Бұл салмақтың сегізі Олимпиада бағдарламасына кіреді.

Осы тұста биылғы бәсеке жаңа жүйе бойынша өтетінін айта кетейік. Енді әр салмақта чемпион атану жеткіліксіз. Әр салмақтағы жеңімпаз тағы 2 күн бойы өз салмағын ұстап тұрып, шешуші күні ширек финалистер арасынан топ жарған спортшымен Суперфиналда кім мықтыны анықтайды. Ал Азия ойындарына сол айқаста басым түскен таеквондошы барады. Бұл жүйе бүгінде осы спорт түрі шыққан Оңтүстік Кореяда бүгінге дейін қолданылады.

Посмотреть эту публикацию в Instagram

Публикация от Спортты дамыту дирекциясы (@drs_kz)

Ашылу салтанатында сөз сөйлеген Спортты дамыту дирекциясының орынбасары Әлішер Аймұхамбетов дирекция басшылығы Қазақстан Кубогына ерекше назар аударатынын жеткізді. Оның сөзінше, осы жарыстан соң Ұлттық құрама Оңтүстік Кореяда оқу-жаттығу жиынына аттанады.

Посмотреть эту публикацию в Instagram

Публикация от Спортты дамыту дирекциясы (@drs_kz)

Алғашқы жарыс күні ерлер 58 және 80 келіде, әйелдер 49 бен 53 келіде күш сынасты.

Түркістандық Асқар Өтеген финалда Ұлттық құрама спортшысы Самирхан Абабакировты ұтып 58 келі салмақтың Суперфиналына тікелей жолдама алды. Енді ол жексенбі күнгі қарсыласын күтеді. Оған ширек финалға шыққан мына спортшылардың бірі қарсылас болуы мүмкін:

Самирхан Абабакиров (Шымкент), Сапаркелді Мамбетмұратов (Маңғыстау), Әзірет Дүйсенбек (Түркістан), Нұрсаян Айтбаев (Түркістан), Ғани Құлымбет (Түркістан), Жавохирхон Исламов (Шымкент).

Нұрлан Мырзабаев (Түркістан облысы) 80 кг салмақтың Суперфиналына тікелей шықты. Бұл салмақта ширек финалға шыққандар:

Нұрқанат Қожахмет (Шымкент қаласы), Альтаир Өмірбеков (Жамбыл облысы), Абдурахман Марипов (Шымкент қаласы), Жандос Тоғыман (Қызылорда облысы), Ақан Жөкенов (Ұлытау облысы), Қалбатыр Анарбай (Түркістан облысы).

Ботакөз Қапанова (Қызылорда облысы) финалда Рита Бакишевадан басым түсіп, 49 кг салмақтың Суперфиналына өтті. Ширек финалдағы спортшылар:

Рита Бакишева (Алматы қаласы), Нұрай Бауыржанова (Атырау облысы), Айдана Еділбаева (Атырау облысы), Надира Ахмедова (Шымкент), Наргиза Қойшыбекова (Жамбыл олбысы), Айнұр Сыздықбаева (Алматы), Айдана Құмартаева (Алматы);

Биылғы Қазақстан Кубогында 53 кг дейінгі салмақта Азиза Қаражанова (Жамбыл облысы) жеңіске жетіп, Суперфиналға тікелей жолдама алды.

Посмотреть эту публикацию в Instagram

Публикация от Спортты дамыту дирекциясы (@drs_kz)

Бұл салмақта ширек финалға шыққандар:

Ақнұр Жамаубай (Алматы қаласы), Томирис Идрисова (Қызылорда облысы), Таңжұлдыз Тұрымбетова (Түркістан облысы), Шамшат Ақберген (Қызылорда облысы), Алина Ержан (Алматы қаласы), Карина Толоконникова (Алматы қаласы), Айдана Сүндетбай (Алматы облысы).

Әр салмақтағы ширек финалға өткен 7 таеквондошы жексенбі күндіз өзара күш сынасып, Суперфиналға берілер бір жолдамаға таласады.

Ертең ерлер 57 мен 67 келіде, әйелдер 63 мен 68 келіде сынға түседі. Жексенбі күні аса ауыр салмақтағы жекпе-жектер мен Суперфиналдар өтеді.

Жаңалықтардан қапы қалмау үшін бізге жазылыңыз:

Олимпиадалық Академиялық ескек есу Ат спорты Ауыр атлетика Ашық айдында жүзу Бадминтон Байдарка мен каноэде ескек есу Баскетбол Баскетбол (3*3, стритбол) Батуттағы гимнастика Бессайыс Биатлон Бокс Брейкинг Ватерпол Велоспорт, маунтинбайк Велоспорт, тасжол Волейбол Гандбол Гимнастика (аэробика) Гольф Грек-рим күресі Дзюдо Еркін күрес Жағажай волейболы Жеңіл атлетика Жүзу Канвондо-2024 Кедергілерді еңсере отырып, каноэ мен байдаркада ескек есу Керлинг Конькимен жүгіру Көгалдағы хоккей Көркем гимнастика Көркем жүзу Мәнерлеп сырғанау Нысана көздеу Регби Садақ ату Семсерлесу Скейтбординг Сноуборд Спорттық гимнастика Стенд ату Суға секіру Таеквондо Теннис Трамплиннен секіру Триатлон Фристайл-акробатика Фристайл-могул Футбол Ханчжоу-2022 Хоккей Шаңғы жарысы Шаңғы тебу Шаңғы қос сайысы Шорт-трек Яхтинг Құзға өрмелеу Үстел теннисі Әйелдер күресі Олимпиадалық емес Nomad MMA Авиамодель спорты Автомотоспорт Альпинизм Аралас жекпе-жек (ММА) Ашихара каратэ Балық аулау спорты Белбеу күресі Бенди Би билеу спорты Биатл-триатл Бильярд Варминтинг Грэпплинг Дельтапланеризм Джиу-джитсу Дойбы Жаяу жүру спорты Жылжымалы нысана көздеу спорты Каратэ (WKF) Каратэ шинкиокушинкай Каратэ-до кекушинкай Каратэ-до шотокан Кекусин-кан каратэ-до Кекушин будокай каратэ Кекушинкай каратэ Кешенді жарыстар Киберспорт Кикбоксинг Киокушинкай-кан каратэ Комбат дзю-дзюцу Мейбукан Годзю-рю карате-до Муайтай Нысана көздеу спорты Панкратион Парапланеризм Парапланеризм Парашютизм Пауэрлифтинг Пенчак силат Петанк Пилонда билеу спорты Радиоспорт Регби-15 Самбо Снайпинг Спортинг Спортты дамыту дирекциясы Спорттық акробатика Спорттық бағдарлау Су түбіне сүңгу спорты Судомодель спорты Таеквон-до GTF Таеквон-до ITF Унифайт Ушу Футзал Черлидинг Шана жарысы Шахмат Эстетикалық гимнастика Қол күрес Қоян-қолтық ұрыс Өрт сөндіру мен құтқару спорты