01.10.2022 | 10:50
Бөлісу:
Волейбол: Қазақстан құрамасы әлем чемпионатының 2-кезеңіне шыға алмады
Қазір Нидерланд Корольдігі мен Польшада волейболдан әйелдер арасында Әлем чемпионаты өтіп жатыр. Бәсекені FIVB (халықаралық волейбол федерациясы) мен Volley World 4 жылда бір рет ұйымдастырады. Бүгін Қазақстан құрамасы топтағы соңғы ойында Болгариядан жеңіліп қалды. Есеп: 18-25, 22-25, 18-25.
Бұл матчта Ұлттық құрама сапында ең көп ұпайды Татьяна Никитина (15) мен Кристина Белова (11 ұпай) жинады.
Өкінішке қарай, Дарко Добресков баптайтын қазақстандық волейболшылар С тобындағы барлық ойында қарсыласқа жол беріп, 2-айналымға шыға алмады. Айта кетейік, біздің арулар АҚШ, Сербия, Германия, Болгария және Канада құрамасымен біп топқа түскен. Токио Олимпиадасының чемпионы АҚШ пен 2018 жылғы ӘЧ-ның жеңімпазы Сербия құрамасы көпшілік күткендей, еш қиындықсыз келесі айналымға жолдама алды.
Биылғы әйелдердің ұшпа доп бәсекесін Арнхем, Роттердам мен Апельдорн (Нидерланд), Гданьск, Лодзь бен Гливице (Польша) сынды 6 қала қабылдайды. Барлығы 100 ойын жосарланған.
Бұл чемпионатта ел намысын мына ойыншылар қорғады: Мадина Бекет, Томирис Сағымбаева, Кристина Белова, Сабира Бекішева, Динара Қожанбердина, Найля Нигматулина, Елизавета Мейстер, Маргарита Бельченко, Екатерина Михайлова, Татьяна Никитина, Яна Петренко, Наталья Смирнова, Валерия Чумак, Анастасия Коломоец.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
Волейболшылар Жапония құрамасына жол берді
Қазақстан құрамасы Азия чемпионатында 5-орын алды