30.08.2023 | 17:16
Бөлісу:
Ұлттық құрама Азия чемпионатын сәтті бастады
Бүгін Таиландтың солтүстік-шығысындағы Накхонратчасима қаласында волейболдан әйелдер арасындағы ХХІІ Азия чемпионаты басталды, деп хабарлайды ҚР МСМ Спорт және дене шынықтыру істері комитеті Спортты дамыту дирекциясының баспасөз қызметі.
D тобына түскен біздің құрама бүгін Филиппинмен ойнап, тай-брейкте жеңіске жетті (3-2). Енді қазақстандық волейболшы арулар Гонконг (31 тамыз) және Қытай (1 қыркүйек) командасымен күш сынасады. Ал жеңімпаз бен жүлдегерлер 6 қыркүйекте анықталады.
Биылғы чемпионатқа құрлықтағы 14 ел өз құрамасын жіберді. Осыған дейін 2019 жылы өткен додада Жапония волейболшылары топ жарған. Алдағы күндері үздік шыққан 3 құрамаға Азия атынан 2025 жылғы әлем чемпионатына қатысуға жолдама беріледі.
Қазір Қазақстан сары құрлық рейтингінде 5-орында тұр. Осы уақытқа дейін біздің елдің әйелдер құрамасы тек бір рет құрлық чемпионатының финалына шыққан. Қытайдың Тайцан қаласындағы сол ойында жарыс қожайындары басым түскен (0-3).
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
АЗИЯ ЧЕМПИОНАТЫ: «ҚУАНЫШ» ВОЛЕЙБОЛ КЛУБЫ 4-ОРЫН АЛДЫ
«ҚУАНЫШ» ВОЛЕЙБОЛ КЛУБЫ 3-ОРЫНҒА ТАЛАСАДЫ
ВОЛЕЙБОЛШЫЛАР 3-ОРЫНҒА ТАЛАСАДЫ
Challenge Cup: Қазақстан күміс жүлдеге ие болды