13.08.2023 | 22:29
Бөлісу:
Каратэшілер мен самбошыларымыз үшін ТМД елдерінің II ойындары сәтті болды
Бүгін Беларусь Республикасының Жлобин қаласында самбо мен WKF каратэден ТМД елдерінің II ойындары аяқталды, деп хабарлайды ҚР МСМ Спорт және дене шынықтыру істері комитеті Спортты дамыту дирекциясының баспасөз қызметі.
Жарыстың 2-күні каратэші Николь Ценгель (-61 кг) мен Лаура Әліқұл (-68 кг) өз салмағында барлық қарсыласты ұтып, алтыннан алқа тақты.
Осыдан кейін самбошылардан Арайлым Әбенова (+80 кг) күміс медаль алса, Азман Амаева (80 кг), Аружан Сатова (65 кг), Гүлдана Әлмұхамбетова (54 кг) қола медаль жеңіп алды.
Сондай-ақ бүгін Гродно қаласында көгалдағы хоккейден барлық жүлдегер белгілі болды. Мұнда Қазақстан ерлер құрамасы 3-ші орын үшін матчта Беларусь-2 құрамасын 4:3 есебімен жеңсе, еліміздің әйелдер құрамасы Ресей спортшыларымен негізгі уақытта тең түсіп (3:3), булиттер сериясында қарсыласынан үстем болып, қола жүлдеге қол созды.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
Қазақ күресі: барлық палуан жүлде жеңіп алды
Дүниежүзілік жауынгерлік өнер ойындары басталды