18.10.2023 | 20:07
Бөлісу:
Конькимен жүгіруден ел чемпионатының алғашқы жарыс күні мәресіне жетті
Бүгін Астанадағы «Aлау» мұз айдыны сарайында жекелей қашықтықтар бойынша конькимен жүгіруден Қазақстан чемпионаты басталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Чемпионат 2023-2024 жылдар аралығындағы жарыс маусымына спортшыларды іріктеу туринирі саналады. Жеңімпаздар мен жүлдегерлер ересектер, халықаралық жарыстарға, Әлем Кубогының кезеңдеріне, сондай-ақ қысқы жасөспірімдер олимпиадасына қатысуға мүмкіндік алады.
Чемпинаттың ашылу салтанатына ҚР Туризм және спорт министрі Е.Маржықпаев қатысып, турнирге келген спортшылармен жүздесіп, жарысты ұйымдастыруға атсалысқандарға алғыс білдірді. Чемпионатқа еліміздің 7 облысынан 183 спортшы қатысады: Абай, Қостанай, Павлодар, Қарағанды, СҚО мен ШҚО және республикалық маңызы бар 2 қала - Астана және Алматы.
Конькимен жүгірушілердің ұлттық федерациясына кіретін спорт түрлері- шорт-трек, мәнерлеп сырғанау және конькимен сырғанау спорты бойынша 28 медаль жиынтығы қарастырылған.
«Коньки жарысы – қысқы спорттың басым түрлерінің бірі саналады. Сондықтан да біздің министрлік оқу-жаттығу жиындарын ұйымдастырумен, қазақстандық спортшылардың халықаралық жарыстарға қатысуын қамтамасыз етумен, сондай-ақ Қазақстанда халықаралық және республикалық жарыстарды ұйымдастырумен және өткізумен белсенді айналысып келеді. Спортшыларымызға жарқын жеңістер тілеймін», - деді ҚР Туризм және спорт министрі Ермек Маржықпаев.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
