02.11.2022 | invalid
Бөлісу:
Әлем Кубогының 2-кезеңіне Қазақстан толық құрамда аттанды
4-6 қараша аралығында АҚШ-тың Солт-Лейк-Сити қаласында шорт-тректен Әлем Кубогының 2-кезеңі өтеді, деп хабарлайды kazsports.kz. Юта штатында жарыс жолына шығатын Ұлттық құрама спортшылары:
Ерлер – Абзал Әжғалиев, Нұртілек Қажығали, Әділ Ғалиахметов, Денис Никиша, Еркебұлан Шамуханов, Антон Хван;
Әйелдер – Алина Әжғалиева, Яна Хан, Малика Ермек, Алена Волковицкая, Анастасия Астраханцева, Ольга Тихонова;
Бас бапкер – Нұрберген Жұмағазиев. Солт-Лейк-Ситидегі жарысты Халықаралық конькишілер одағының (ISU) Youtube арнасынан тамашалай аласыздар
Канаданың Монреаль қаласында өткен алғашқы кезеңде ерлер құрамасы 5 шақырым эстафетада күміс жүлдеге қол жеткізген. Қазір 5000 метрге жарыста әлем рейтингінде Ұлттық құрама 9-сатыда келе жатыр (12094 ұпай). Ал Абзал Әжіғалиев 500 метрге жарыста В финалында 2-орынға тұрақтаған. Осы қашықтықта бақ сынаған Денис Никиша жартылай финалда ереже бұзғаны үшін пенальти алып, жарыс жолынан шығып қалды.
Әлем Кубогының келесі кезеңдері:
3-кезең – Алматы (Қазақстан), 9-11 желтоқсан;
4-кезең – Алматы (Қазақстан), 16-18 желтоқсан;
5-кезең – Дрезден (Германия), 3-5 ақпан;
6-кезең – Дордрехт (Нидерланд), 10-12 ақпан;
Әлем Кубогы кезеңдері жайлы
Биыл Әлем Кубогы кезеңінің ұйымдастырылып келе жатқанына 25 жыл толды. Сонау 1997-1998 жылдан бері Еуропа, Азия мен Солтүстік Америка елдері сынға түсетін дода дәстүрге сай 6 кезеңге созылады. Тек Олимпиада болатын жылы 4 кезеңі өтеді.
Жалпы үздіктер 9 қашықтықта (500, 1000 және 1500 метр (ерлер мен әйелдер), 3 мың метр эстафета (әйелдер), 5 мың метр эстафета (ерлер), 2 мың метрге аралас эстафета) анықталады. Ширек ғасырға жеткен жарыс маусым соңында алғаш рет ерлер мен әйелдер арасындағы жеңімпазды анықтап, «Гауһар глобус» табыстамақ.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
Денис Никиша Қазақстанға тарихи жүлде сыйлады
Алина елге тарихи жүлде тарту етті
Ұлттық құрама эстафетада күміс жүлдегер атанды