26.07.2022 | invalid
Бөлісу:
Гандболдан Қазақстан жастар құрамасы әлем чемпионатына аттанды
29 шілде мен 11 тамыз аралығында Солтүстік Македонияда гандболдан 20 жасқа дейінгі қыздар арасында IX Әлем чемпионаты өтеді. Мұнда таңдаулы 32 құрама 8 топқа бөлінген. Қазақстан арулары D тобында Хорватия, Мысыр және Үндістан құрамасындағы құрбыларымен ойнайды. Жалпы бірінші топтық кезеңде 48 матч өтеді.
Қазақстан құрамасы алғашқы ойында 30 шілде күні Үндістанмен, ертесіне Мысырмен, 2 тамызда соңғы турда Хорватиямен шеберлік байқасады.
Әр топта үздік нәтиже көрсекен 2 құрама бас жүлде үшін таласты жалғастырады. Олар қайтадан төрт-төрттен 4 топқа бөлінеді. Осы жерде 1-2-орын алған командалар ширек финалда ойнаса, қалғандары 9 бен 16-орындарды сарапқа салады.
Ал алғашқы кезеңде топта 3-4-орын алған құрамалар 17-32-ші орындарды 4 топқа бөлініп анықтайды. Яғни, Президент Кубогы деп аталатын бұл кезеңде 16 матч өтеді деп жоспарланған. Айта кетейік, гандболда жеңіске жеткен құрама 2, тең түскендері 1 ұпай алады.
Әуелде бұл әлем чемпионаты Грузия астанасы Тбилисиде өтуге тиіс еді. Алайда Ресей мен Украина арасындағы саяси ахуалға байланысты Солтүстік Македонияға ауысты.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
Ұлттық құрама алғашқы ойында қарсыласқа есе жіберді
Ұлттық құрама Бразилиядан жеңіліп қалды
Кристина Радаева Испания құрамасының қақпасына 5 гол салды