17.11.2023 | 21:58
Бөлісу:
VI жазғы Спартакиада: жартылай финалға шыққан боксшылар анықталды
Бокстан Астана қаласында өтіп жатқан VI жазғы Спартакиадада ширек финал жекпе-жектері аяқталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Барлық 13 салмақта сынға түсіп жатқан боксшылардың арасынан 6 бірдей әлем чемпионы жартылай финалға шықты.
51 келі салмақта әлем чемпионы Сәкен Бибосынов Павлодар облысының жас боксшысы Ғаббас Дүйсекеновтен айласын асырды. Ал 48 келіде әлем чемпионы атанып, 51 келіге ауысқан Санжар Тәшкенбай жарыстағы алғашқы жекпе-жегінде былтырғы Қазақстан чемпионатының күміс жүлдегері Бекзат Алдамжаровты жеңді.
57 келіде Махмұд Сабырхан ел чемпионатының қола жүлдегері Дулат Тұрлыбекұлына 3 раундта да мүмкіндік қалдырмады.
63,5 келіде сенсация авторы, әуесқой бокске қыркүйек айында ғана ауысқан 28 жастағы Жандос Қыдыралиев Ақмола облысының намысын қорғаған Али Рахымжаннан басым түсті. Енді ол әлем чемпионатының күміс жүлдегері Серік Теміржановпен жолығады.
Көрермендердің көңілінен шыққан айқас 71 келідегі Талғат Шәйкен мен ел чемпионатының қола жүлдегері Нұржан Аманкелдінің арасында өрбіді. Кәсіпқой бокста тәжірибесі бар Талғат ауыр соққыларының арқасында келесі кезеңге өтті. 80 келі 2021, 2022 жылғы Қазақстан чемпионатының күміс жүлдегері Жәнібек Қартбаев та алғашқы раундта нокдаунға түскеніне қарамастан, әлем чемпионы Бекзад Нұрдаулетовке қарсы лайықты өнер көрсетті. Дегенмен, жеңіс Бекзадтың пайдасына шешілді. Есеп: 5:0.
80 келідегі биылғы әлем чемпионы Нұрбек Оралбай Батыс Қазақстан облысының жеңімпазы Илья Кисильевты 2 мәрте нокдаунға жіберді. 92 келіде басты фавориттің бірі — Айбек Оралбай Шымкент боксшысы Жасұлан Омарды барлық раундта айқын ұтса, Азия ойындарының қола жүлдегері Сағындық Тоғамбай Қарағанды облысының өкілі Нурмагамад Юсуповты аяусыз соққылады.
13 салмақ бойынша жартылай финалға шыққан 52 боксшы белгілі болды. Жартылай финалға шыққан облыстар:
Павлодар облысы — 5
Астана қаласы — 5
Алматы қаласы — 5
Түркістан облысы — 5
Ақмола облысы — 4
Абай облысы — 4
Алматы облысы — 4
Қызылорда облысы — 3
Жамбыл облысы — 3
Манғыстау облысы — 2
Атырау облысы — 2
Ұлытау облысы — 2
Шымкент қаласы — 2
БҚО — 2
Жетісу облысы — 1
Қостанай облысы — 1
ШҚО — 1
Қарағанды облысы — 1
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
Олимпиада лицензиясына таласатын боксшылар анықталды
Мұхамедсабыр Базарбайұлы Зейнуллиновты жеңді
Лицензия жолындағы жеребе нәтижесі белгілі болды