23.07.2024 | 16:43
Бөлісу:
АСТАНАДА ШАХМАТТАН КОМАНДАЛЫҚ ӘЛЕМ ЧЕМПИОНАТЫ ӨТЕДІ
1-6 тамыз аралығында Астана қаласындағы «Конгресс-центр» ғимаратында шахматтан рапид және блиц бойынша командалық әлем чемпионаты өтеді, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Жарысқа 31 мемлекеттен 200-ден астам ойыншы тіркелген. Бұл қатарда Магнус Карлсен, Хоу Ифань, Цзюй Вэньцзюнь, Дин Лижэнь, Александра Костенюк, Ян Непомнящий, Нодирбек Абдусатторов, Ян-Кшиштоф Дуда, Прагнанандха Рамешбабу, Винсент Кеймер, Катерина Лагно және еліміздің үздік шахматшылары бар.
Рапид турнирі: әр ойынға 15 минут. 12 раунд швейцариялық жүйе және әр жүріс үшін 10 секундтан.
Блиц-турнир: Блиц-турнир екі кезеңге бөлінген. Бірінші кезеңде командалар топтастырылып, айналым жүйесі бойынша ойнайды. Үздік 16 команда екінші кезеңге, яғни плей-офф кезеңіне өтеді. Уақытты бақылау – әр ойынға 3 минут, әр жүріске 2 секундтан қосылады.
Чемпионаттың ашылу алдында ФИДЕ-нің 100 жылдығына арналған 45-ші шахмат Олимпиадасының салтанатты алау эстафетасы өтеді. Эстафета 1 тамызда сағат 19:00-де Мемлекеттік рәміздері алаңынан (Қабанбай батыр даңғылы, 3/1) Амфитеатрға дейін (Тұран даңғылы, 2/6) өтеді. Эстафетаға ҚР Премьер-Министрі Олжас Бектенов, әлемнің үздік шахматшылары, қазақстандық спортшылар мен қайраткерлер қатысады.
Сағат 20:00-де Амфитеатрда рапид және блиц бойынша командалық әлем чемпионатының салтанатты ашылуы басталады.
*Әлем чемпионаты өтетін жер: Астана қаласы, Гейдар Алиев 12 мекенжайы.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық![](/img/news/e92a0a009e37f9b9841f67bcf5aa88d3.jpg)
ШАХМАТТАН ОЛИМПИАДАҒА ҚАТЫСАТЫН ОЙЫНШЫЛАРЫМЫЗ АНЫҚТАЛДЫ
![](/img/news/9951cc0610cc7ccd356384ba4a13bd18.jpg)
БИБІСАРА – ГРАН-ПРИДІҢ КҮМІС ЖҮЛДЕГЕРІ
![](/img/news/e11e2baf3313ed2b9a64a53403b19ba0.jpg)
БИБІСАРА АСАУБАЕВА ТБИЛИСИДЕГІ ГРАН-ПРИ ТУРНИРІНЕ ҚАТЫСАДЫ
![](/img/news/2c6f26af6c74543dd9a76d2fc7562899.jpg)
AL-AIN ACMG UAE КОМАНДАСЫ – РАПИДТЕН ӘЛЕМ ЧЕМПИОНЫ!