13.09.2023 | 16:32
Бөлісу:
Ханчжоу 2022: шахматтан ел намысын кімдер қорғайды?
23 қыркүйек пен 8 қазан аралығында Қытайдың Ханчжоу қаласында өтетін ХІХ жазғы Азия ойындарында шахматтан Ұлттық құрама сапында 10 ойыншы сынға түседі, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Сары құрлық Олимпиадасында жекелей сында рапид, командалықта классикалық шахматтан кім мықтыны анықтамақ.
Жекелейде Ринат Жұмабаев, Қазыбек Нөгербек (ерлер), Жансая Әбдімәлік пен Бибісара Асаубаева (әйелдер арасында) жүлдеге таласады. Ал командалар арасындағы бәсекеде Əлішер Сүлейменов, Рамазан Жалмаханов, Алдияр Аңсат, Ринат Жұмабаев пен Қазыбек Нөгербек; сондай-ақ Динара Садуақасова, Меруерт Камалиденова, Алуа Нұрманова, Бибісара Асаубаева мен Жансая Әбдімәлік өнер көрсетеді.
Жалпы Азиада бағдарламасына шахмат 2006 жылы Дохадағы ойындарда кірген. Блиц түрінен Мұртас Қажығалиев чемпион атанса, аралас командалық сында Дәрмен Садуақасов және Дана Акетаевамен бірге жүлдеге бір табан жетпей тоқтаған.
Араға 4 жыл салып, Гуанчжоу қаласында (Қытай) Мұртас Қажығалиев 4-сатыдан көрінсе, Гүлісхан Нахбаева 15-орынға табан тіреген. Биыл шахматтан 3-рет Азия ойындарында жүлде жиынтығы сарапқа салынады.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
БИБІСАРА АСАУБАЕВА ГРАН-ПРИ СЕРИЯСЫНДА КӨШ БАСТАДЫ
БИБІСАРА АСАУБАЕВА ГРАН-ПРИ КЕЗЕҢІНДЕ ТАҒЫ ЖҮЛДЕ ЖЕҢІП АЛДЫ
FIDE GRAND PRIX SERIES: БИБІСАРА АСАУБАЕВА 4-ОРЫНҒА СЫРҒЫДЫ