06.11.2022 | invalid
Бөлісу:
Абзал Әжғалиев Солт-Лейк-Ситиде күміс жүлдеге қол жеткізді
Бүгін Абзал Әжғалиев АҚШ-тың Солт-Лейк-Сити қаласында шорт-тректен өтіп жатқан Әлем Кубогының 2-кезеңінде күміс медаль жеңіп алды, деп хабарлайды Спортты дамыту дирекциясының баспасөз қызметі.
Қазақстандық шорт-трекші 500 метрге жарыста тек канадалық Максим Лауннан қалып кетті. Үздік үштікті оңтүстік кореялық Ли Жун Со түйіндеді.
Бұдан бөлек, бүгін Нұртілек Қажығали 1500 метрлік сында финалда бақ сынап, 5-сатыдан көрінді. Айта кетейік, Юта штатында Қазақстан толық құрамда сынға түсіп жатыр:
Ерлер – Абзал Әжғалиев, Нұртілек Қажығали, Әділ Ғалиахметов, Денис Никиша, Еркебұлан Шамуханов, Антон Хван;
Әйелдер – Алина Әжғалиева, Яна Хан, Малика Ермек, Алена Волковицкая, Анастасия Астраханцева, Ольга Тихонова;
Бас бапкер – Нұрберген Жұмағазиев. Солт-Лейк-Ситидегі жарысты Халықаралық конькишілер одағының (ISU) Youtube арнасынан тамашалай аласыздар.
Канаданың Монреаль қаласында өткен алғашқы кезеңде ерлер құрамасы 5 шақырым эстафетада күміс жүлдеге қол жеткізген. Қазір 5000 метрге жарыста әлем рейтингінде Ұлттық құрама 9-сатыда келе жатыр (12094 ұпай).
Жаңалықтардан қапы қалмау үшін бізге жазылыңыз:
