04.10.2023 | 16:33
Бөлісу:
Азат Садықов Азиаданың қола жүлдесіне ие болды
Грек-рим күресінен Қытайдың Ханчжоу қаласында өтіп жатқан ХІХ жазғы Азия ойындарында Қазақстан қоржынына екінші медаль түсті, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Азат Садықовтың қарсыласы Софак Кео жарақатына байланысты күресе алмай, жүлде қазақ палуанына берілді.
Ұлттық құрама спортшысы (77 келі) таңертең Кодай Сакураба (Жапония) мен Висит Тамвиратты (Таиланд) еш қиындықсыз жеңген. Бірақ жартылай финалда Токио Олимпиадасының күміс жүлдегері, 2 дүркін әлем чемпионы Ақжол Махмұдовтан (Қырғызстан) айласын асыра алмаған.
Жаңалықтардан қапы қалмау үшін бізге жазылыңыз:
