16.10.2024 | 10:01
Бөлісу:
КЁРЛИНГ: ҚАЗАҚСТАН УЭЛЬС КОМАНДАСЫН ІРІ ЕСЕППЕН ЖЕҢДІ
Шотландияның Абердин қаласында өтіп жатқан кёрлингтен аралас командалар арасындағы әлем чемпионаты бел ортасына жетті, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Қазақстан командасы (Абылайхан Жүзбай, Тылсымай Аллиярова, Айдос Аллияр мен Мерей Тастемір) кезекті турда Уэльс құрамасынан 10-3 есебімен басым түсті. Осылайша, біздің ойыншылар Е тобындағы 5 матчтан кейін 4 жеңіспен 1-орынды сақтап қалды. Келесі сатыдағы Швейцария командасында дәл осындай көрсеткіш.
Енді Ұлттық құрама Украина (16 қазан, сағат 20:00) және Бельгия құрамасымен (17 қазан, сағат 00:00) шеберлік байқасады. Осыдан кейін іріктеу кезеңі аяқталып, жартылай финалға шыққандар белгілі болады. Айта кетейік, Абердиндегі әлем чемпионатында барлығы 39 команда бақ сынап жатыр. Дода 19 қазанда мәресіне жетеді.
Фото: Спортты дамыту дирекциясының баспасөз қызметі.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
КЁРЛИНГТЕН ӘЛЕМ ЧЕМПИОНАТЫНДА ҚАЗАҚСТАН ТАРИХИ НӘТИЖЕ ТІРКЕДІ
КЁРЛИНГТЕН ҚАЗАҚСТАН ҚҰРАМАСЫ ӘЛЕМ ЧЕМПИОНАТЫН СӘТТІ БАСТАДЫ
Ұлттық құрама алғашқы лицензиялық ұпайға қол жеткізді
