31.10.2022 | invalid
Бөлісу:
Қазақстан ерлер құрамасы Әлем Кубогының күміс жүлдегері атанды
Шорт-тректен Қазақстан ерлер құрамасы Канаданың Монреаль қаласында өтіп жатқан Әлем Кубогының алғашқы кезеңінде эстафетада 2-орын алды, деп хабарлайды kazsports.kz.
А тобының финалында Қазақстанмен бірге Италия, Оңтүстік Корея мен Канада шеберлік байқасты. Бұл квартетте мәре сызығын Оңтүстік Корея бірінші болып қиды (7:01.850). Ал біздің Ұлттық құраманың нәтижесі: 7:07.972. Қола медаль Канадаға бұйырды.
Айта кетейік, кеше жартылай финалдағы алғашқы топта Қазақстан, Канада, Қытай мен Жапония құрамасы жарысып, 5 шақырымды 1-болып жарыс қожайындары бағындырды (7 минут, 9 секунд). Құрамында Абзал Әжғалиев, Нұртілек Қажығали, Әділ Ғалиахметов пен Денис Никиша бар Ұлттық құрама олардан 2 секундқа қалып кетті (7:11 секунд).
Енді Әлем Кубогының келесі кезеңі 4-6 қараша аралығында АҚШ-тың Солт-Лейк-Сити қаласында өтеді.
Жаңалықтардан қапы қалмау үшін бізге жазылыңыз:
