08.08.2024 | 20:39
Бөлісу:
ҚАЗІРГІ БЕССАЙЫС: ЕЛЕНА ПОТАПЕНКО ІРІКТЕУДІ 27-ОРЫНДА БАСТАДЫ
Париж Олимпиадасында қазіргі бессайыстан әйелдер арасында семсерлесуден іріктеу өтті, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Отандасымыз Елена Потапенко семсерлесуден кейін 200 ұпай жинап, 27-сатыға тұрақтады. Бұл сайыста спортшымыз 15 рет қарсыласынан басым түсті.
Ертең қазақстандық спортшы жартылай финалды А тобында өнер көрсетеді.
Спортшылар ертең 200 метрге еркін әдіспен жүзуде кім мықтыны анықтайды. Үшінші жарыс – конкур. Шешуші жарыста атлеттер жүгіру кезінде лазерлі тапаншамен нысана көздейді.
Айта кетейік, спорттың бұл түрінде барлығы 72 спортшы (36 еркек, 36 әйел) жүлдеге таласып жатыр.
Фото: Владислав Семенов.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
ЕЛЕНА ПОТАПЕНКО ЖАРТЫЛАЙ ФИНАЛДА 15-ОРЫН АЛДЫ
Азия чемпионатында Қазақстан 3 жүлде жеңіп алды