20.01.2023 | 11:30
Бөлісу:
Еліміздің VI жазғы Спартакиадасын балуандар бастайды
Ақпанан бастап елімізде жазғы спорт түрлерінен VI Спартакиада өтеді. Төрт жылда бір рет болатын кешенді жарыс арқылы Олимпиада бағдарламасы кіретін спорт түрлерінен Ұлттық құрамалар жасақталады; Париж Олимпиадасының лицензиясы сарапқа салынатын халықаралық бәсекеге қатысатын спортшылар іріктеледі. Барлығы 20 команда (17 облыс пен 3 қала).
Елішілік Олимпиаданың шымылдығын балуандар түрмек. Бозкілем шеберлері 3-8 ақпан аралығында Алматы қаласындағы «Балуан Шолақ» атындағы спорт сарайында күрестің 3 түрінен кім мықтыны анықтайды. Толық бағдарламасы:
Жарыстың басталуы жергілікті уақыт бойынша күнде сағат 10:30-да.
2 ақпан – командалар келетін күн, мандат және төрешілер комиссиясы.
3 ақпан – грек-рим күресі: 55, 63, 72, 82 және 97 келі салмақ
4 ақпан – грек-рим күресі: 60, 67, 77, 87 және 130 келі салмақ
5 ақпан – әйелдер күресі: 50, 53,55, 57, 59, 62, 68, 72 және 76 келі салмақ
6 ақпан – еркін күрес: 57, 65, 74, 86, 97 келі салмақ
7 ақпан – еркін күрес: 61, 70, 79, 92 және 125 келі салмақ.
Мұнда күрестің әр түрінен командадағы спортшы саны 15-тен аспауы қажет. Ал 5 салмақтың қайсысына 2 балуаннан қосатынын әр команда өзі анықтай алады. Жалпыкомандалық есепке ең үздік нәтиже көрсеткен спортшының нәтижесі ғана жазылады. Қайта жасақталған Ұлттық құрама Спартакиададан соң бірден наурыз айында Үндістан астанасы Нью-Делиде өтетін Азия чемпионатына дайындықты бастайды.
Биылғы Спартакиаданың ресми ашылуы 30 мамырда Тараз қаласында ұйымдастыралады. Айта кетейік, биылғы жарыстар Спартакиаданың шешуші, 3-кезеңі. Осыған дейін алғашқы кезеңде аудан мен қала құрамасы анықталды. Сосын, олар 2-кезеңде облыс пен республикалық маңызы бар қалалардың құрамасына кіру үшін өзара шеберлік байқасқан еді.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
Қазақ күресі: барлық палуан жүлде жеңіп алды
Дүниежүзілік жауынгерлік өнер ойындары басталды