08.10.2024 | 09:22
Бөлісу:
ГРЭППЛИНГ: АСТАНАДА ӘЛЕМ ЧЕМПИОНАТЫ БАСТАЛДЫ
7-12 қазан аралығында Астана қаласындағы Жақсылық Үшкемпіров атындағы спорт кешенінде грэпплингтен U15, U17, U20, ересектер мен ардагерлер арасында әлем чемпионаты өтеді, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Қазақстан грэпплингтен Әлем чемпионатын үшінші рет қабылдаған алғашқы ел атанып отыр. Бұған дейін 2018, 2019 жылдары Астана қаласында өткен Әлем чемпионаттарына 20-дан астам мемлекет қатысса, биыл бұл көрсеткіш 31-ге жетті.
Елімізде өткен бұған дейінгі әлем чемпионатынан ерекшелігі – тек ересектер ғана емес, жасөспірімдеріміз де алғаш рет өз жерімізде айтулы додада жүлдеге таласу мүмкіндігіне ие болды.
Қазақстан бұл бәсекеге 200-ден астам спортшысын жарысқа қосты. Сондай-ақ, АҚШ, Ресей, Украина, Польша, Франция елдері де ең көп өкілдерін әкелген мемлекеттердің қатарына кіреді.
Жарыстың ағашқы күні грэпплингтен U15 және U17 санаты бойынша бірнеше салмақта жүлдегерлердің есімі белгілі болды.
Фото: UWW.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
