31.03.2025 | 01:14
Бөлісу:
КҮРЕСТЕН АЗИЯ ЧЕМПИОНАТЫНДА ҚАЗАҚСТАН БЫЛТЫРҒЫДАЙ 5-ОРЫНДА
Бүгін Иордания астанасы Амманда күрес түрлерінен ересектер арасындағы XXI Азия чемпионаты аяқталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Шешуші жарыс күні еркін күрестен Ұлттық құраманың бозкілем шеберлері 1 алтын, 1 күміс, 1 қола олжалады.
Алтын – Нұрқожа Қайпанов (-74 кг)
Күміс- Болат Сақаев (-86 кг)
Қола – Азамат Дәулетбеков (-92 кг)
Жалпы Қазақстан құрамасы бұл доданы (грек-рим, әйелдер, еркін күрес) 2 алтын, 4 күміс, 5 қола медаль жеңіп алып, жалпы командалық есепте 5-орынға табан тіреді.
Біздің барлық жүлдегер:
Алтын – Нұрқожа Қайпанов (-74 кг), Жәмилә Бақбергенова (-72 кг)
Күміс – Әлімхан Сыздықов (130 кг), Ризабек Айтмұхан (-97 кг), Болат Сақаев (86 кг), Омар Сатаев (-82 кг);
Қола медаль – Азамат Дәулетбеков (-92 кг), Зейнеп Баянова (-53 кг), Ибрагим Магомадов (-77 кг), Шамиль Ожаев (-87 кг), Рахат Қалжан (-57 кг)
Былтыр Қырғызстан астанасы Бішкекте өткен сары құрлық додасында Қазақстанға 2 алтын, 4 күміс пен 6 қола медаль бұйырған. Бұл жалпы есептегі 5-саты еді.
Фото: Спортты дамыту дирекциясының баспасөз қызметі.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
