20.03.2025 | 18:17
Бөлісу:
ЛОС-АНДЖЕЛЕС-2028: БОКС ОЛИМПИАДА БАҒДАРЛАМАСЫНДА ҚАЛДЫ
Бүгін Грекияның Коста-Наварино қаласында өткен Халықаралық Олимпиада комитетінің 144-сессиясында 2028 жылы Лос-Анджелесте өтетін Олимпиаданың бағдарламасына боксты енгізу жөнінде шешім шықты, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Бастапқыда бұл спорт түрі 2022 жылдың ақпанында 2028 жылғы Олимпия ойындарының жарыс бағдарламасынан шығарылған. Бұл шешім Халықаралық бокс қауымдастығы (IBA) төңірегінде туындаған мәселелерге байланысты қабылданған. Осыған орай, 2021 және 2024 жылғы жазғы Олимпиадада бокс жарыстары ХОК-нің арнайы жұмыс тобының қадағалауымен өткен.
Олимпиадалық бокстың жаңа даму кезеңінде басқару 2023 жылы құрылған World Boxing Халықаралық бокс федерациясына жүктелді. Қазіргі таңда бұл ұйымға 84 ұлттық федерация мүше. Бокстан алғаш рет жүлде жиынтығы 1904 жылы Сент-Луисте (АҚШ) өткен III жазғы Олимпиадада сарапқа салынған.
Айта кетейік, 1996 жылдан бері жазғы Олимпиадаға тұрақты түрде қатысып келе жатқан Қазақстан спортшылары ең көп 26 жүлдені (7 алтын, 8 күміс, 11 қола) дәл осы бокстан жеңіп алған.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
