04.03.2024 | 19:14
Бөлісу:
Әйелдер құрамасы – орталық Азия чемпионатының жеңімпазы!
26 ақпан мен 3 наурыз аралығында Өзбекстанның Әндіжан қаласында көгалдағы хоккейден ерлер мен әйелдер арасындағы орталық Азия елдерінің чемпионаты өтті, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Азия хоккей федерациясы (AHF) ұйымдастырған биылғы бәсекеде ерлер арасында Қазақстан, Қырғызстан, Оман, Тәжікстан, Өзбекстан командалары сынға түсті. Ал әйелдер арасында Қазақстан, Оман, Тәжікстан, Өзбекстан құрамалары кім мықтыны анықтады.
Нұржан Бейбітов баптайтын еліміздің әйелдер құрамасы алғашқы ойында Тәжікстанды 13-1 есебімен ойсырата жеңді. Сосын, Өзбекстан хоккейшілерімен тең түскен (1-1). Ал жарыс қожайындарымен болған екінші матчта Ұлттық құрама 2-1 есебімен жеңіп, топ жарды. Қазақстанға Виктория Ляпинаның дублі шешуші кездесуде бас жүлде алып келді.
Қазақстан ерлер құрамасы жартылай финалда қарсыласқа жол беріп, қола медаль алды. Мұнда бас жүлде финалда Тәжікстаннан басым түскен Өзбекстанның еншісінде.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
Қазақстан – Азия Кубогының қола жүлдегері
Қазақстан финалға шығу мүмкіндігін сақтап қалды
Қазақстан құрамасы Азия Кубогының жартылай финалында
Индорхоккейден команда Азия Кубогының күміс жүлдегері атанды