06.06.2022 | invalid
Бөлісу:
Жеңіс! Регбиден Қазақстан құрамасы Amsterdam Sevens турнирінің чемпионы атанды
Нидерланд Корольдігінің астанасында регби 7-ден Amsterdam Sevens турнирі өтіп жатыр. Бүгін Қазақстан әйелдер құрамасы финалда Польшаны 12:7 есебімен жеңіп, чемпион атанды. Жалпы арулар арасында бұл бәсекеге Нидерланд, Германия, Франция, Уэльс, Польша мен АҚШ-тан 12 команда жиналды.
Amsterdam Sevens – 50 жылдық тарихы бар Еуропадағы беделді турнирдің бірі (алғаш рет 1972 жылы өткен). Бәсекенің ерекшелігі Ұлттық құрамалармен қоса кез келген кәсіби клуб жарнасын төлеп қатыса алады. Әр команда кем дегенде 5 ойын өткізеді.
Айта кетейік, осыған дейін 2019 жылы өткен Amsterdam Sevens турнирінде әйелдер арасында «Алматы» клубы жеңіске жеткен. Олар финалда Аустралияның «Рэндуик» клубынан 14-12 есебімен басым түсті.
Біздің анықтама:
Регби-7 – XIX ғасырдың аяғында Шотландияда пайда болған. Алаңда 7 адамнан тұратын 2 команда ойнайды. Әр тайм (2 тайм) 7 минутқа созылады. Жалпы алғанда 15 адам ойнайтын регби алаңында және тура сондай ереже бойынша өтеді. Бұл спорт түрінің мақсаты – допты қарсыластың алаңынан жиі-жиі апарып, мейілінше көп ұпай жинау.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
РЕГБИДЕН ҚАЗАҚСТАН ҚҰРАМАСЫ АЗИЯ СЕРИЯСЫНЫҢ 3-ТУРЫНДА 5-ОРЫН АЛДЫ
РЕГБИДЕН ҚАЗАҚСТАН ҚҰРАМАСЫ ӘЛЕМДІК СЕРИЯ ЖОЛДАМАСЫНА ТАЛАСАДЫ
ASIA RUGBY SEVENS SERIES: РЕГБИШІЛЕР 2-ТУРДЫ БЕТКЕ АЛДЫ