![](/img/news/b93f15db4353daab999a55a3be443730.jpg)
23.07.2023 | 18:42
Бөлісу:
Қазақстан құрамасы алғаш рет Азия чемпионатында 1-орын алды
Малайзияның Малакка қаласында WKF каратэден ересектер арасындағы XIX Азия чемпионаты Ұлттық құрама үшін табысты аяқталды. Кеше, 2-жарыс күні 6 қазақстандық татами шебері тұғыр сатысына көтерілді.
Кумите бағдарламасында тəжірибелі Нұрқанат Әжіқанов (-75 кг) пен Қайсар Алпысбай (-60 кг) əнұранымызды шырқатты.
Мөлдір Жаңбырбай (-50 кг) мен Гүлмира Үсенова (-55 кг) финалда қарсыласқа есе жіберіп, күміс жүлдеге ие болды. Сондай-ақ Данияр Юлдашев (-84 кг) пен Абылай Төлтай (+84 кг) өз салмағында қола медаль жеңіп алды.
Ал бүгін Қазақстан ерлер құрамасы командалық сында финалда Иран каратэшілеріне есе жіберіп, күміс жүлдеге ие болды. Осылайша, Қазақстан құрамасы 3 алтын, 4 күміс, 4 қола медальмен жалпы есепте алғаш рет 1-орын алды.
Жапония каратэшілері (3 алтын, 3 күміс, 2 қола) екінші орында, ал үздік үштікті Иран (3 алтын, 2 күміс, 7 қола) түйіндеді. Биылғы бәсекеге барлығы құрлықтағы 31 елден 400-ге жуық татами шебері жиналды. Бұл қатарда 19 қазақстандық бар.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық![](/img/news/4633fbf44492334c3ccd32d3b157367a.jpg)
KAZAKHSTAN OPEN – 2024 ТУРНИРІНДЕ 800 СПОРТШЫ БАҚ СЫНАЙДЫ
![](/img/news/9511ed0d7d061e7401a6c3fc2ba654a1.jpg)
Ұлттық құрама 39 алтын медальмен жалпы есепте топ жарды
![](/img/news/74070e064ba765969214131f111d4b63.jpeg)