14.11.2022 | invalid
Бөлісу:
Су добынан Қазақстан құрамасының еншісінде 2 медаль бар
Бүгін Таиландтың Самутпракан қаласында су добынан Азия чемпионатынының жеңімпазы мен жүлдегерлері анықталды.
Қазақстан ерлер құрамасы қола медаль үшін болған матчта Иранды 8-5 есебімен жеңді. Сәл ертеректе Дамир Темірханов баптайтын су добы шеберлері жартылай финалда Жапонияға есе жіберді (4-20).
Ал Андрей Сазыкин баптайтын еліміздің әйелдер құрамасы Таиландтан 14-5 есебімен басым түсіп, қола жүлдегер атанды. Біздің қыздар жартылай финалда Жапониядан жеңіліп қалған. Есеп: 12-16. Ұлттық құрама ойыншысы Дарья Муравьева биылғы сары құрлық додасының үздік сұрмергені атанды.
Осылайша, Қазақстан әйелдер және ерлер құрамасы келесі жылы Жапонияның Фукуока қаласында өтетін су спорты түрлерінен ХХ Әлем чемпионатына жолдама алды.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
Су добынан Ұлттық құрама қола медаль жеңіп алды
Қазақстан жастар құрамасы Сингапурды ірі есеппен жеңді
Қыздар құрамасы алғашқы матчта сенімді жеңіске жетті
Ұлттық құрама Шри-Ланкадан ірі есеппен басым түсті